Masu Hidima Ga Kasa Kusha Kuriminku Nan Bada Jimawa Ba Za A Fara Biyan Mafi Karancin Albashi Na N77,000. —Shugaban NYSC

DAGA YASIR SANI ABDULLAHI 

Darakta Janar na hukumar masu yi wa kasa hidima (NYSC), Birgediya Janar Yushau Ahmed, ya tabbatar wa masu NYSC cewa, nan bada jimawa ba za a fara biyan mafi karancin albashi na N77,000.

Da yake jawabi a Abuja lokacin da ya kaddamar da motar bas din ma’aikata da kamfanin inshora na Capital Express ya bayar, DG ya ce an kammala shirye-shiryen kara musu alawus-alawus.

Kungiyar ASSOMEG Ta Taya Ibrahim Waiya Murnar Samun Kwamishinan Yada Labarai Na Jihar Kano

Ya tabbatar musu cewa, abin da ya sa a gaba shi ne tsaro da jin dadin su, don haka a shekarar 2025 za su samu duk wasu alfanu da ya kamata.

Ahmed ya bayyana cewa, an samar da motar bas ɗin ne don sauƙaƙe matsalolin sufuri ga ma’aikatan hukumar.

LEADSHIP HAUSA