News
Gwamnatin Yobe Ta Rufe Makarantu Na Kwanaki 10
Gwamnatin Jihar Yobe ta sanar da rufe dukkan makarantun gwamnati da na ƙashin kai a faɗin jihar na tsawon kwanaki goma, domin bai wa ɗalibai da malamai damar gudanar da bukukuwan Babbar Sallah cikin natsuwa da lumana.
Sanarwar rufe makarantun za ta fara aiki daga Laraba, 4 ga Yuni, 2025, zuwa Lahadi, 15 ga Yuni, 2025, kamar yadda wata takarda mai ɗauke da sa hannun Daraktan Kula da Makarantu, Bukar Modu, a madadin Kwamishinan Ilimi na jihar, ta tabbatar.
Hutun ya yi daidai da lokacin da Majalisar Manyan Malaman Addinin Musulunci ta Najeriya ta ayyana Juma’a, 7 ga Yuni, 2025 a matsayin ranar Sallar Idi, tare da zagayowar Ranar Dimokuraɗiyya da za a gudanar a ranar Laraba, 12 ga Yuni, 2025.
Ma’aikatar Ilimi ta umarci dukkanin makarantun da su bi umarnin nan kai tsaye, domin samar da lokacin hutu mai armashi ga ɗalibai, malamai da iyayensu.
Kwamishinan Ilimi na jihar, Farfesa Adam Idris, ya yi fatan alheri ga al’ummar jihar Yobe baki ɗaya a lokacin bukukuwan, yana mai jaddada buƙatar iyaye da su ɗauki nauyin kula da ’ya’yansu yadda ya kamata kafin, yayin, da kuma bayan bukukuwan sallah.
Bauchi: Dakarun Soji Sun Kai Samame Maboyar ‘Yan Bindiga, Sun Ceto Mata 6 Da Yara 13
NDLEA Ta Kama Ma’aurata Bisa Zargin Safarar Wiwi
Wata Likita Ta Riga Mu Gidan Gaskiya Bayan Ta Haifi Ƴan-Uku
KANO: Jami’an Ƴansanda Sun Cafke Matasa Biyu Bisa Zargin Damfarar Sama Da Mutum 500 Da Sunan Aljannu
Wata Tankar Gas Ta Murƙushe Adaidaita Sahu
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
