News
Rikici Kan Ruwa Ya Yi Sanadin Mutuwar Matashi A Kano
Wani matashi dan shekaru 17, Musa Muhammad, ya mutu bayan wata arangama da abokinsa a Rijiyar Lemo da ke cikin birnin Kano.
Lamarin ya faru ne a safiyar Asabar, lokacin da Musa ya fita dibar ruwa daga wani famfo a unguwar, kamar yadda kakakin rundunar ‘yan sanda ta jihar Kano, SP Abdullahi Haruna Kiyawa, ya tabbatar.
A cewar sanarwar da rundunar ta fitar, mahaifin mamacin, Muhammad Haruna, ya kai rahoto ofishin ‘yan sanda na Bachirawa, inda ya bayyana cewa rikicin ya faro ne akan gardama tsakanin Musa da abokinsa, Muhammad Aliyu, mai shekaru 16.
“Gardamar ta rikide zuwa fada, inda ake zargin Muhammad Aliyu ya bugi Musa a fuska. Sakamakon hakan, Musa ya fadi ya sume,” inji sanarwar ‘yan sanda.
An garzaya da Musa zuwa Asibitin Kwararru na Murtala Muhammad da ke Kano, inda likitoci suka tabbatar da mutuwarsa.
Bayan haka, an mika gawar mamacin ga iyalansa domin gudanar da jana’iza bisa tsarin addinin Musulunci.
Rundunar ‘yan sanda ta bayyana cewa an kama wanda ake zargi, kuma ana ci gaba da bincike kan lamarin.
SP Abdullahi Haruna Kiyawa ya ce za a gurfanar da wanda ake zargin a gaban kotu da zarar an kammala bincike.
Gwamnatin Bauchi Ta Musanta Rahoton Kayyade Sadakin Budurwa zuwa ₦3,000 Da Na Bazawara Zuwa ₦1,500
Dakarun Soji Sun Cafke Jami’insu Kan Zargin Kai Wa ‘Yan Ta’adda Kayan Aikin Soji
An Dakatar Da Malamai A Polytechnic Kan Zargin Sayar Da Handout
Jami’an NDLEA Sun Kama Miyagun Ƙwayoyi Da Darajarsu Ta Kai Naira Biliyan 10 A Legas
Trump Ya Dakatar Da Kai Wa Iran Hari Saboda Karancin Makamai — Rahoto
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
Ƴansanda Sun Kama Ɗan Basarake Bisa Zargin Kona Wani Mutum Kan Zargin Satar Itacen Girki
Jigawa: Sama da Gine-gine 200 Sun Lalace Sakamakon Iska Da Ruwan Sama Mai Ƙarfi
Wasu Fusatattun Matasa Sun Hallaka Wani Mutum Tare Da Kona Gawarsa Kan Zargin Satar Babur A Kano
