News
KANO: ’Yan Bindiga Sun Sace Shugaban Jam’iyyar APC Na Rogo
Ana fargabar cewa wasu ’yan bindiga sun sace shugaban Jam’iyyar APC na Ƙaramar Hukumar Rogo ta Jihar Kano, Alhaji Abdullahi Fanka Beli, a wani hari da suka kai garin Beli da ke ƙaramar hukumar.
Rahotanni daga majiyoyi a yankin sun ce lamarin ya faru ne tsakanin ƙarfe 11:00 zuwa 11:30 na daren Litinin, inda ’yan bindigar da ake zargin sun shiga garin, kafin su yi awon gaba da shugaban jam’iyyar.
Mutum 1,000 Sun Kamu Da Cutar Mashako A Katsina
Majiyoyin sun kuma ce ’yan bindigar sun kashe mutane biyu a yayin harin, lamarin da ya jefa mazauna garin cikin fargaba da tashin hankali.
Wata majiya daga yankin ta ce har zuwa yanzu ba a samu cikakken bayani kan inda aka tafi da Alhaji Abdullahi Fanka ko halin da yake ciki ba.
“Har yanzu ba mu san inda aka kai shi ba. Muna fatan jami’an tsaro za su iya gano inda yake tare da kubutar da shi,” in ji majiyar.
Har zuwa lokacin haɗa wannan rahoto, hukumomin tsaro ba su tabbatar da faruwar harin ba.
Mazauna yankin sun yi kira ga hukumomin tsaro da su gaggauta ɗaukar matakan da suka dace domin gano inda shugaban jam’iyyar yake da kuma tabbatar da tsaron rayuka da dukiyoyin al’ummar garin.
Dakarun Soji Cafke Wani Shugaban ’Yan Ta’adda a Kaduna, Sun Kwato Harsasai 300
Jami’an Ƴansanda Sun Cafke Wani Mutum Bisa Zargin Satar Wayar Hannu Guda 41 A Maiduguri
Gwamnatin Tarayya Za Ta Fara Bai Wa Ɗalibai Kyautar DATA Kullum
ZAƁEN 2027: CHRICED ta ƙarfafa ’yan jarida, CSOs kan kare haƙƙin jama’a
Dan Takarar Gwamnan Kano a Jam’iyyar AP Ya Yi Allah-Wadai Da Kisan Gillar Da Aka Yi Wa Dan-Shagamu
Jam’iyyar Labour Party Ta Yi Alkawarin Kafa Hukumar Kula Da Hayar Gidaje A Kano
NUJ Kano Ta Yi Allah-wadai Da Harin Da Aka Kai Wa ’Yan Jarida
Jami’an Ƴansanda Sun Cafke Mai Safarar Makamai, Sun Kwato Harsasai 637 A Kaduna
Gwamna Abba Kabir Yusuf Ya Kai Ziyarar Ba Zata Asibitin Kwararru Na Best Choice Dake Kano
