Sports
Haaland ya fara biyan kudin sabulu a Manchester City
Daga Muhammad Muhammad zahraddin
Manchester City ta fara kakar bana da kafar dama, bayan da ta je ta doke West Ham United a gasar Premier League da ci 2-0 ranar Lahadi.
Sabon dan wasan da City ta dauko a bana Erling Haaland, shi ne ya ci mata kwallon farko a bugun fenariti, kuma shi ne dai ya kara na biyu a raga.
‘Yan wasan West Ham
Indaranka
Wannan shi ne karo na hudu da suka hadu a wasan fara gasar Premier League, inda West ta yi rashin nasara a fafatawa uku baya.
Kuma a wasa 14 da suka kara baya, City ta yi nasara a 10 da canjaras uku, ciki har da 2-2 da suka tashi a gidan West Ham a Premier League ranar 15 ga watan Mayu.
West Ham tana rike da tarihin wadda ke kasa cin wasa karo na14 a duk ranar bude gasar Premier League, wato wasanta na farko, tun kan karawa da City ranar Lahadi.
Haaland ya ci kwallo uku rigis a wasan farko a Champions League da ya buga wa Red Bull Salszburg.
Haka kuma ya zura uku rigis a karon farko da ya fara Bundesliga a Borussia Dortmund.
‘Yan wasan Manchester City
Indaranka
Manchester City ita ce mai rike da Premier League biyu a jere, wadda ta dauki na kakar da ta wuce da tazarar maki daya tsakaninta da Liverpool a ranar karshe.
City ta ci wasa 29 a bara da canjaras shida, sannan ta yi rashin nasara a fafatawa uku a kakar da aka kammala.
RATTAWU Ta Yaba Wa Sunusi Bature Kan Gyaran Motar Ƙungiyar A Kano
Yau Shekaru 12 Da Rasuwar Sarkin Kano, Marigayi Ado Bayero
Rundunar ‘Yan Sandan Kano Tayi Barazanar Kama Masu Amfani Da Talalmin Taya Akan Tituna
ARTV Ta Musanta Zargin Sare Bishiyoyi, Yayin Da The Historica Nigeria Ta Tsaya Kan Rahotonta
2027: An Bukaci Obi Da Kwankwaso Su Bayyana Matsayinsu Kan Sukar Sardauna
Wani Matashi Dan Kano Ya Yanke Gaban Sa
KANO: ‘Yan Bindiga Sun Hallaka Mutum 2 A Gwarzo
Falalar Kwana Goma Na Farkon Zul-Hijjah: Shawarwari Daga Manyan Malamai
Yadda Wata Mata Ta Banka Wa Mijinta Da Amaryarsa Da ‘Ya’yanta Guda Biyu Wuta A Kano
