News
Gwamnatin jihar gombe ta dauki sabbin likitoci 451 aiki
DAGA YASIR SANI ABDULLAHI
Rahotanni daga jihar Gombe ya tabbatar da ɗaukar ma’aikatan lafiya 451 aiki domin bunƙasa harkar lafiya da kyakyawar Al,umma
Hakan na kunshe ne a cikin wata sanarwa da mai magana da yawun gwamnan, Ismaila Misili, kuma ya bayyanawa manema labarai a Gombe a yau Asabar.
Ya ce jami’an da aka dauka sun hada da Ungozoma 106, Ma’aikatan Lafiyar Al’umma, CHEW 213 da kuma Kananan Ma’aikatan Lafiyar Al’umma, JCHEW, 132 wadanda za a tura su cibiyoyin kiwon lafiya a matakin farko a fadin jihar.
“Wannan na zuwa ne sabo da gwamnatin yanzu ta Gwamna Inuwa Yahaya ta yi imanin cewa kiwon lafiya a matakin farko shine tushen tsarin kiwon lafiya,” in ji shi.
Ya bayyana cewa gwamnati mai ci ta ba da fifiko ga harkokin kiwon lafiya da walwalar ƴan jihar, don haka aka samu dimbin nasara a bangaren.
Ya ce daukar ma’aikata wata gagarumar nasara ce a tarihin wannan fanni a jihar, baya ga fara ɗaukar horo na kwararrun ɗaliban fannin lafiya a asibitin kwararru da kuma ɗaukar manyan kwararrun harkar lafiya aiki.
Misili ya ce fara ba da horon da kuma ci gaba da gina sabuwar kwalejin koyon aikin jinya da ungozoma da ke Gombe duk an yi amfani da su ne domin bunkasar ma’aikata a fanning lafiya
Source daily Nigeria Hausa
Jam’iyyar NRM Ta Yi Barazanar Kai Karar Bashir Ibrahim Rogo Kotu Kan Ikirarin Shi Ne Ɗan Takarar Gwamnan Kano
KPCF Ta Yaba Wa Waiya Kan Inganta Hulɗar Gwamnati Da Jama’a A Kano
Majalisar Dattawa Ta Amince Da Kudirin Samar Da ‘Yansandan Jihohi
Amurka Ta Kakaba Takunkumi A Kan Wani Dan Canji Dan Najeriya Da Kamfanoni Uku A Kano Da Largos
Cutar Kwalara Ta Hallaka Mutane 108, Sama Da 13,000 Sun Kamu A Borno
Cutar Kwalara Ta Hallaka Akalla Mutum 74 A Borno
ICPC Ta Yi Barazanar Daurin Shekaru 7 Ga Masu Yiwa Baki Rajistar NIN A Matsayin Yan Najeriya
Jam’iyyar ADC Ta Yi Watsi Da Cire Ta Daga Rijista, Ta Sha Alwashin Kalubalantar Hukuncin Kotu
Hayar Jirage Hadi Sirika Ya Dakko Daga Habasha Don Damfarar Yan Najeriya Da Sunan “Nigeria Air” — Shaida
