NUJ ta kori Hukumar wayar da kan jama’a ta kasa NOA daga Kungiyar. 

Advertisements

DAGA YASIR SANI ABDULLAHI 

Kungiyar ‘yan jaridu ta Najeriya, NUJ , ta kori  hukumar wayar da kan jama’a ta kasa.  NOA daga kundin tsarin mulkin kungiyar

Jaridar indaranka cewa Taron wakilai na musamman da aka gudanar a Afficient event centre a Kano, wanda shugaban kungiyar na kasa Chris Isiguzo ya jagoranta, ya dauki wannan matakin, yayin taron duba kundin tsarin mulkin kungiyar nuj.

Zazzabin Lassa Ya Bulla A Gombe

Wakilan da ke zama sun ba da sanarwar cewa ba za a sake ba ma’aikatan NOA damar zama mamba na NUJ ba.

Za a ba wa wasu zaɓaɓɓun jami’an NOA damar cika wa’adin aikinsu.

Taron na watan Agusta ya kuma zartas da sabuwar dokar da ta haramtawa ma’aikatan ma’aikatun yada labarai da aka yanke wa hukunci kasancewar ba ‘yan jarida ba ne daga yanzu an hana su shiga kungiyar ta NUJ.

Wakilan da suka halarci zaman sun kuma amince cewa kada a sake baiwa jami’an hulda da jama’a na kananan hukumomi matsayin mambobin kungiyar NUJ.