Dan Gwamnan Nasarawa Ya Riga Mu Gidan Gaskiya

DAGA YASIR SANI ABDULLAHI 

Gwamnan Jihar Nasarawa, Injiniya A. Sule, ya yi rashin dansa mai suna Hassan A. A Sule.

Sakataren Yada Labarai ga Gwamnan, Ibrahim Addra ne ya tabbatar da rasuwar tasa a sanarwar da ya fitar da safiyar Juma’a.

Zan share wa talaka hawaye kan batun sauya takardun kuɗi, in ji Kwankwaso

“A madadin iyalin Mai Girma Gwamnan Jihar Nasarawa, Injiniya Abdullahi A. Sule, na sanar da rasuwar dansa, Hassan A.A Sule, wanda ya rasu ranar Alhamis, 26 ga Janairu, 2023,” in ji sanarwar.

Marigayi Hassan ya bar duniya yana da shekara 36.

Sanarwar ta kuma bayyana cewa za a yi jana’izar marigayin a garin Gudi, cikin Karamar Hukumar Akwanga da misalin karfe 10:00 na safe a ranar Juma’a.