Jami’an NDLEA Sun Kama Tsofaffi Masu Shekaru 83 Da 78 Kan Safarar Miyagun Kwayoyi

Hukumar yaki da sha da fataucin miyagun kwayoyi ta kasa, wato National Drug Law Enforcement Agency (NDLEA), ta sake cafke wasu dattawa biyu masu shekaru 83 da 78 bisa zargin safarar miyagun kwayoyi.

Lamarin ya kara jawo hankali ganin yadda ake samun karuwar tsofaffi da ke shiga harkar fataucin kwayoyi a kasar.

Dakarun Sojin Sama Sun Lalata Maboyar ‘Yan Bindiga A Katsina

Rahotanni sun nuna cewa wannan kama na zuwa ne bayan wani bincike da jaridar Leadership Newspaper ta fitar a makon da ya gabata, wanda ya bayyana wani sabon salo na yadda wasu tsofaffi ke shiga harkar miyagun kwayoyi. Hukumar NDLEA ta ce ta samu nasarar cafke mutanen ne bayan tattara bayanan sirri da kuma gudanar da sahihan bincike.

Masana sun bayyana cewa matsin tattalin arziki da kuma yaudarar masu fatauci na daga cikin dalilan da ke jefa wasu tsofaffi cikin wannan hadari. NDLEA ta jaddada kudurinta na ci gaba da yaki da fataucin miyagun kwayoyi tare da gargadin cewa ba za ta sassauta wa kowa ba, ko da kuwa shekaru sun ja.

PUNCH