Mutum 20 sun mutu a hadarin manyan motoci

Mutum ashirin sun rasa ransu wasu 61 kuma suka samu raunuka sakamakon wani hadarin manyan motoci biyu, bas da wata mai sulke a lardin Limpopo na Afirka ta Kudu.

Motar safa din ta fadi daga gada ta tsunduma cikin ruwa a lokacin da hadarin ya auku a jiya Litinin, kamar yadda rahotanni suka ce.

Abubuwa Uku da zai iya faruwa gobe a kotun koli Game Da Cigaba Da Karbar Tsoffin Kudi Ko Kuma Akasin Haka 

Yawancin wadanda suka mutu sun rasu ne a cikin bas din da ta fada ruwa, saboda ba ta yadda za su iya fita.

Ana gudanar da bincike kan abin da ya haddasa hadarin.

To amma rahotanni sun ce a lokacin ana ruwan sama sosai a yankin.

Har zuwa safiyar yau Talata ma’aikatan agaji suna wurin, inda ruwan sama kamar da bakin kwarya ke haifar musu cikas ga aikin nasu.