‘Yan sanda sun kama mutum biyar da ake zargi da fashi da makami a jahar  Jigawa 

DAGA KABIRU BASIRU FULATAN

Rundunar ‘yan sandan jihar Jigawa ta kama wasu gungun ‘yan fashin babura guda biyu da suke kwacewa jama’a kayansu.

Kakakin rundunar ‘yan sandan, DSP Lawan Shiisu Adam, ya tabbatar da faruwar lamarin ga manema labarai.
Ya ce kamen ya biyo bayan tsauraran kokarin da rundunar ta keyi na dakile fashin babura da sauran miyagun ayyuka a jihar.

Mutum uku sun mutu a sakamakon hadarin jirgi mai saukar ungulu

Rahotanni na nuni da cewa an yi fashi da makami da babur a wasu sassan jihar wanda ya yi sanadin mutuwa da raunata masu su.

Haka kuma wadanda ake zargin da  wasu ayyuka guda biyu daban-daban a karamar hukumar Ringim da Dutse.
“09/07/2023 da misalin karfe 2000 na safe wani matashi dan shekara 24 Ashiru Musa da ke kauyen Kyran karamar hukumar Dutse ya ruwaito cewa wasu miyagu da suka yi kama da fasinjoji sun kwace babur dinsa.

“Masu tuka babur ne suka tilasta masa tsayawa, suka yi masa barazana da wukake, sannan suka yi masa fashin jan babur din Boxer mai lamba no. AYE 918 UP Jihar Ogun,” inji shi.

Ya kara da cewa sauran mutane ukun da ake zargin Ahmadu Audu, Shuaibu Bayeri, da Samaila Musa, ‘yan sanda da ‘yan banga na karamar hukumar Ringim ne suka kama su bayan samun labarin.
Ya ce a lokacin da ake yi musu tambayoyi, wadanda ake zargin sun amsa cewa sun yi amfani da wukake da kebul wajen fashin babur.
Za a gurfanar da wadanda ake zargin zuwa kotu domin gurfanar da su gaban kuliya da zarar an kammala bincike.