Connect with us

Labarai

Gini Ya Kashe Mutum 7 A Sansanin ’Yan Gudun Hijira A Borno

Published

on

’yan gudun hijira
Advertisements
WhatsApp Image 2026 11 04 at 12.03.38 AM

DAGA YASIR SANI ABDULLAHI

Akalla mutum bakwai sun rasu, wasu biyu sun jikkata bayan wani gini ya rushe a sansanin ’yan gudun hijira da ke Monguno a Jihar Borno.

Kamfanin Dillancin Labaran Faransa (AFP) ya rawaito cewa ginin, wanda na wani ajin makaranta ne ya fadi ne da misalin karfe 7:30 na daren Litinin.

Rundunar ‘yan sandan jihar Kebbi ta cafke wasu mutane shida da ake zargi da lalata da kananan yara.

Majiyoyi a yankin sun ce ginin ya zube ne bayan wani mamakon ruwan sama da aka tafka a yankin a ranar Lahadi.

Galibin wadanda ke zaune a sansanin dai wadanda rikicin ta’addancin Boko Haram ya raba da muhallansu ne.

A cewar Musa Kaka, wani jagoran ’yan sa-kai a garin, “Mutum bakwai ne suka rasu, sannan mutum biyu suka jikkata, kuma yanzu haka suna can a kwance a asibiti.”

Advertisement

Garin na Monguno dai na da nisan kilomita 135 daga Maiduguri, babban birnin Jihar Borno.

Hatsarin ya faru ne a wata makarantar sakandare da aka mayar sansanin ’yan gudun hijira, inda kusan mutum 5,000 ke amfani da ita a matsayin matsuguni.

Shi ma wani dan sa-kan, Bello Adamu, ya ce a baya an taba yin gobara a azuzuwan, wacce ta rage musu karfi, kafin daga bisani kuma ruwan ya yi musu illa.

Tuni dai aka yi jana’izar dukkan mutum bakwan a ranar Talata.

(AFP)

Advertisement
Advertisements
Advertisement
Click to comment

Leave a Reply

Your email address will not be published. Required fields are marked *

Trending