‘Yan kasuwar Man fetur sun bayyana cewa, Farashin man zai iya komawa Naira 700 zuwa 800 kan kowace lita.

DAGA KABIRU BASIRU FULATAN

‘Yan kasuwar Man fetur sun bayyana cewa, Farashin man zai iya komawa Naira 700 zuwa 800 kan kowace lita.

Dalilinsu shine matsalar karancin dalar amurka wadda da itace ‘yan kasuwar ke amfani suke shigo da man fetur din daga kasar waje.

An Yi Wa Malamar Jami’ar FUT Yankar Rago A Gidanta Da Ke Minna

Hakanan kuma ‘yan kasuwar sun koka da cewa gwamnati ta dawo da kayyade farashin man fetur din a fakaice.

Daya daga cikin shuwagabannin ‘yan kasuwar, Mrs. Adenike Labanjo tace kamfanin man fetur na kasa, NNPC ne kadai ke samun dalar shigo da man fetur din daga kasar waje

Tace kuma babu wanda zai iya gasa dashi.

Shima daya daga cikin ‘yan kasuwar daga Arewa, Dr Mohammed Salaudeen ya bayyana cewa yanzu idan mutum zai sayi tan 10,000 na man fetur din sai yana da Naira biliyan 7 wanda a baya rabin kudinne ake amfani dasu wajan sayen man fetur din.

Yace kuma kusan kaso 90 na masu depot din sayar da mai masu zaman kansu na Najeriya sun kulle saboda ba zasu iya ba.

A wani labarin kuma An Yi Wa Malamar Jami’ar FUT Yankar Rago A Gidanta Da Ke Minna

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.