Shugaban Kasar  Iran Ebrahim Raisi ya yi hatsarin jirgin sama

DAGA YASIR SANI ABDULLAHI 

Wani jirgin sama mai saukar ungulu dauke da shugaban kasar Iran Ebrahim Raisi ya yi hatsari a ranar Lahadi, kamar yadda gidan talabijin din kasar Iran ya ruwaito, sai dai gidan talabijin ɗin bai yi ƙarin haske kan halin da shugaban yake ciki ba.

Rahotanni sun ce Ministan Harkokin Wajen Iran Abdollahian shi ma yana cikin jirgin da ke ɗauke da Raisi.

A Yau Za’a Kawo Karshen Cece-kuce Tsakanin Kungiyar Kallon Kafa Ta Manchester City Da Kuma Arsenal

Kafar watsa labaran ƙasar ta ce lamarin ya faru ne a kusa da Jolfa, wanda birni ne da ke kan iyaka da Azerbaijan, kilomita 600 daga Tehran babban birnin ƙasar.

Masu aikin ceto sun yi ƙoƙarin zuwa wurin, amma rashin yanayi mai kyau ya kawo musu cikas. Rahotanni sun ce an samu ruwan sama da iska mai ƙarfi.

Raisi ya je Azerbaijan da sanyin safiyar Lahadi don kaddamar da wata madatsar ruwa tare da shugaban Azerbaijan Ilham Aliyev. Dam din dai shi ne na uku da kasashen biyu suka gina a kan Kogin Aras.

Iran na da jirage masu saukar ungulu da dama, sai dai irn takunkuman da aka saka wa ƙasar, ba ta iya samun kayayyakin gyaran jiragen cikin sauƙi.

Wasu daga cikin jiragen da ake amfani da su a ƙasar tun na zamanin juyin juya halin da aka yi a ƙasar a 1979.