Ƴan Sanda Sun Kama Bindigogi 185, Harsasai 4,087, Da Ɓatagari 2,740

DAGA YASIR SANI ABDULLAHI

Ƴan sanda sun kama bindigogi 185, harsasai 4,087, ‘yan Boko Haram, ‘yan fashi da ‘yan bindiga da ɓatagari 2,740

Ashafa MurnaibyAshafa Murnai September 18, 2024

’Yan Sandan Kaduna sun kama mahara 36 a Kaduna, sun kwato shanu 486

Rundunar ‘Yan Sandan Najeriya ta bayyana nasarar Taimako Mato, wani ƙasurgumin dillalin manya da ƙananan bindigogi da harsasai.

YAKI DA TA’ADDANCI: Ya Zama Wajibi Mu Kiyaye Harsunan mu, Mu Karfafi Jami’an Tsaron Mu, Muyi Masu Fatan Alkhair —Daga Imam Murtadha Gusau

Sun kuma bayyana damƙe wani gogarman koyar da harbi da yadda ake sarrafa bindiga a wani sansanin Boko Haram.

An damƙe Mato tare da wasu ‘yan Boko Haram huɗu na gungun su.

Kakakin Yaɗa Labaran ‘yan sanda na ƙasa, Olumuyiwa Adejobi ne ya bayyana hakan, cikin wata sanarwa da ya fitar a ranar Alhamis, a Abuja.

Ya ce a cikin watan Agusta ne jami’an tsaro suka samu wannan gagarimar nasara, a wurare daban-daban a faɗin ƙasar nan.

“A farmaki daban-daban da jami’an ‘yan sanda suka kai wurare daban-daban kwanan nan, an samu gagarimar nasarar daƙile masu aikata manyan laifuka a wurare a faɗin ƙasar nan, ciki har da tarwatsa gungun masu safarar muggan makamai a yankin Bauchi da Filato.

“Cikin waɗanda aka kama akwai Taimako Mato, John Ɗanladi, Mohammed Munkail, Manasseh William da Muhammadu Haddi.

An same su da bindiga ƙirar PKT Mashinga ɗaya, jigidar albarusai 40. Shi shugaban na su, Taimako Mato, tantirin mai koyar da yadda ake sarrafa bindiga be a wani sansanin Boko Haram, kuma shi ne dillalan safarar muggan makamai ya na sayar masu.” Inji Adebutu.

Ya ce a wurare daban-daban kuma an samu nasarar kama ‘yan fashi da makami 295, masu garkuwa 271, kuma an kama harsasai 4087 duk a cikin watan Agusta.

Premium Times