Tsadar Waken Soya Da Man Girki Na Ci Gaba Da Karya Jarin Masu Sana’ar Awara

DAGA MUHAMMAD MUHAMMAD ZAHRADDIN 

Mafi akasarin masu sana’ar sayar Awara a cikin birnin Kano da kewaye sun daina kasuwanci saboda tsadar kayan hadi.

Kayan hadin sun haɗa da waken soya, man Girki, da kuma makashi, waɗanda farashinsu ya yi tashin gwauron zabi a kwanakin nan.

Kotu Ta Yanke Wanda Ya Kashe  Mahaifinsa Hukuncin Daurin Rai Da Rai 

Jaridar Inda Ranka ta ruwaito cewa Awara wani nau’in kayan abinci ne na gida da ake yi daga Waken Soya, kuma ake ci a Arewacin Najeriya, musamman a yankin Arewa maso Yamma.

Binciken da muka yi a wasu wurare daban-dabam waɗanda suka haɗar da kasuwanni da tituna da kuma wasu muhimman wuraren a birnin Kano an gano cewa mutane musamman matasa sun koma sayen Dan Kali saboda yana da arha idan aka kwatanta da Awara.

Bincken ya gano cewa da kuɗin ka N200 ko N300 ya isa karin kumallo ko abincin rana ko ma abincin dare, dangane da bukatar mai saye da kuma lokacin da yake buƙatar.

A yanzu dai ana sayar da waken soya tsakanin Naira 2,200 zuwa Naira 2,300, gwargwadon irin nau’in da ake samu a kasuwa, yayin da man gyada da aka fi , ana sayar da shi tsakanin Naira 2,700 zuwa Naira 2,900. yayin da buhun icce kai N10,000.