News
Kotu Ta Yi Watsi Da Ƙarar Akpabio Kan Dakatar Da Sanata Natasha
Kotun Ɗaukaka Ƙara da ke Abuja ta kori ƙorafe-ƙorafen da Shugaban Majalisar Dattawa, Sanata Godswill Akpabio, ya shigar dangane da dakatar da Sanata Natasha Akpoti-Uduaghan daga majalisar dattawa.
A zaman kotun da aka yi ƙarƙashin jagorancin Mai Shari’a Hamman Barka, kotun ta amince da buƙatar Akpabio na janye ƙorafe-ƙorafen da ya shigar a ranar 20 da kuma 25 ga watan Maris, 2025.
Sai dai kotun ta kori ƙorafe-ƙorafen baki ɗaya tare da umartar Sanata Akpabio da ya biya tarar Naira 100,000 ga Sanata Natasha a matsayin diyya bisa ɓata mata lokaci.
Haka kuma, kotun ta bayar da umarnin goge lambar ƙarar daga cikin kundin shari’a, abin da ke nufin ƙarshen shari’ar a matakin kotun ɗaukaka ƙara.
Sanata Akpabio ya shigar da buƙatar ne yana neman kotu ta ba shi lokaci da damar ɗaukaka ƙara a kan hukuncin da Babbar Kotun Tarayya da ke Abuja ta yanke a ranar 10 ga watan Maris, 2025.
A cikin wannan shari’ar, Sanata Natasha ce ta maka Shugaban Majalisar Dattawa, da wasu mutane uku a gaban kotu kan dakatar da ita daga kujerarta.
Akpabio ya nemi kotu ta dakatar da ci gaba da sauraron karar a babbar kotu har sai an yanke hukunci a kotun ɗaukaka ƙara, amma bayan janyewar ƙorafin, kotun ta ce babu ci gaba da sauraron buƙatun nasa.
Jami’an Ƴansandan Kano Sun Kama Wani Barawo Da Ya Sace Wayoyi 222 A Kasuwar Farm Centre
Gwamnan Kano Ya Gabatar Da Kasafin Kuɗi Na 2027 Na Sama Da Naira Tiriliyan 1.1 A Kano
Dakarun Soji Sun Kama Uba Da Ɗansa Kan Zargin Alaƙa Da ’Yan Ta’adda A Sakkwato
Rikici Ya Tilasta Mutane Sama Da Dubu 6,000 Ƙetara Wa Nijar Daga Najeriya A Cikin Shekara Guda
Jami’an Ƴansanda Sun Kama Wata Mace Mai Shekaru 54 Kan Zargin Garkuwa Da Kanta
Kwararren Mai Daukar Hoton Labari Maikatanga Ya Shiga Sahun Kwamitin Alkalan Gasar Wole Soyinka Ta 2026
Wasu ’Yanbindiga Sun Yi Garkuwa Kimanin Yara 12 A Neja
Gwamnatin Tarayya Za Ta Fara Yi Wa Masu Digirin Ƙasashen Waje Jarrabawa
NDLEA Ta Kama Wata ‘Yar Kasar Uganda Da Ta Boye Koken Dauri 87 A Cikin wandonta
