Wata Tsohuwa Mai Shekaru 82 ‎Ta Haɗiye Kwaɗi 8 Masu Rai

Wata tsohuwa ‘yar kasar China mai shekaru 82 ta fada cikin matsanancin hali bayan ta haɗiye kwaɗi takwas masu rai domin neman magani ga ciwon bayanta, kamar yadda jaridar Hangzhou Daily ta ruwaito.

Rahotanni sun bayyana cewa matar, mai suna Madam Zhang, ta yanke shawarar haɗiye kwaɗin ne bisa wata tsohuwar al’adar gargajiya da ake cewa tana taimakawa wajen rage ciwon baya.

Dakarun Soji Sun Yi Nasarar Kashe Ƴan Ta’adda Sama Da 50 a Borno Da Yobe

Danta ya bayyana cewa ta haɗiye kwaɗi uku a rana ta farko sannan ta ƙara biyar a rana ta biyu — tana fatan hakan zai warkar da ciwon bayan da ta dade tana fama da shi.

An ruwaito cewa ta umarci ’yan uwanta su kamo mata ƙananan kwaɗi — waɗanda ba su wuce girman tafin hannu ba — amma bata bayyana musu abin da za ta yi da su ba. Sai bayan ta fara jin zafi sosai a ciki ta amsa cewa ta haɗiye kwaɗin, lamarin da ya sa aka garzaya da ita zuwa asibitin Jami’ar Zhejiang da ke birnin Hangzhou.

Likitoci sun gano cewa Zhang ta kamu da cutar ƙwari mai suna Sparganum, wadda ta lalata wani ɓangare na hanjinta. Bayan makonni biyu na jinya da magani, an sallame ta daga asibiti.