News
Jami’an NSCDC Sun Cafke Wani Da Ake Zargi Da Safarar Bindigogi A Kano
Jami’an Nigeria Security and Civil Defence Corps (NSCDC) reshen Jihar Kano sun kama wani mutum da ake zargi da safarar makamai ba bisa ka’ida ba, yayin wani samame da suka kai a kan titin Murtala Muhammad Way a birnin Kano.
A cikin wata sanarwa da rundunar ta fitar, ta ce an cafke wanda ake zargin ne mai suna Suleiman M. Uba, mai shekaru 31, dan asalin kauyen Tashene da ke karamar hukumar Zaki a Jihar Bauchi.
Wani Mutum Ya Kashe Ɗan’uwansa Bisa Tunanin A Mafarki Ne
Sanarwar ta kara da cewa ana zargin mutumin na kan hanyarsa ta zuwa Jihar Kebbi ne a lokacin da jami’an suka tare shi domin bincike.
Binciken farko, a cewar rundunar, ya nuna cewa an same shi dauke da bindigogi guda shida. Jami’an sun ce kamen ya biyo bayan sahihan bayanan sirri da suka samu, a wani mataki na kokarin dakile yaduwar kananan makamai da kuma hana ayyukan da ka iya tayar da zaune tsaye a Kano da makwabtanta.
Rundunar ta ce ana ci gaba da gudanar da bincike kan lamarin, tare da tabbatar da cewa za a gurfanar da wanda ake zargin a gaban kotu da zarar an kammala binciken.
TSARO: Ba Kasafai Ake Samun Irin Tallafin Da Gwamna Lawal Ke Bawa Sojoji Ba — Babban Hafsan Tsaro
‘Yan Bindiga Sun Hallaka Direban Bas, Sun Yi Awon Gaba Da Fasinjoji A Hanyar Benin Zuwa Lagos
Jami’an NDLEA Sun Kama Hodar Iblis Da Aka Ɓoye Cikin Kwanon Abinci A Filin Jirgin Saman Legas
Iran Ta Ce Ba Za Ta Halarci Taron Tattaunawa Da Amurka A Pakistan Ba
Jam’iyyar APC Ta Sanar Da Kudin Sayen Fom Din Tsayawa Takara A Zaben 2027
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
Gwamnatin Tarayya Ta Fitar Da Sunan Mutum 48 Da Ake Zargi Da Ɗaukar Nauyin Ta’addanci
