Kwankwaso ba kashin yarwa bane, Rigima da Murtala Garo Yanzu Aka Fara – Alhassan Doguwa

Advertisements

DAGA MUHAMMAD MUHAMMAD ZAHRADDIN

Shugaban masu rinjaye na majalisar wakilai ta tarayya Alhassan Ado Doguwa ya ce Kwankwaso ba abin yarwa bane a Kano.

A cewarsa in dai mutum zai fadi tsakani da Allah ya san cewa Kwankwaso a matsayin sa na gwamnan, yayi aikin da kowa ya yaba.

KODA ZAN YARDA AYI SULHU SAI YA TARA YAN JARIDA YA KARYATA KAN SA~Hadiza Gabon

A jawabin da ya gabatar ga magoya bayansa a daren yau Juma’a Doguwa ya ce, Duk Ɗan Kano ƙarya yake yace Kwankwaso bai yi rana ba.

Doguwan ya kuma yi zazzafan martani ga mataimakin Ɗan Takarar Gwamnan Jam’iyyar APC a Kano Alhaji Murtala Sule Garo.

A cewar shugaban masu rinjayen ba za su yi shi ba, kuma rigima tsakaninsa da Murtala yanzu a ka soma.

Alhassan Ado Doguwa ya zargi Murtala Sule Garo bai kammala makarantar sakandare ba, sannan ya zargi bai kammala jami’a ba, amma zai ɗauki lauyoyi don yin cikakken bincike don kada a yi kitso da ƙwarƙwata.

Alhassan Ado ya yi wannan zargi ne lokacin da yake yiwa magoya bayansa jawabin halin da ake ciki a jam’iyyar APC, biyo bayan shata layi tsakani.