Kotu Taki Amincewa A Saki Bayanan Kaddarorin Buhari Da Jonathan

DAGA YASIR SANI ABDULLAHI 

Wata babbar kotun tarayya a Najeriya ta yi watsi da daukaka karar bukatar sako bayanan kadarorin tsofaffin shugabannin Najeriya, da suka hada da Goodluck Jonathan da Muhammadu Buhari da mataimakansu Namadi Sambo da Yemi Osinbajo.

Punch ta ruwaito cewa wasu kungiyoyi biyu ne su ka rubutawa hukumar da’ar jami’an gwamnati CCB ta fito da bayanan bisa dokar ‘yancin samun bayanai ta 2011.

An samu bakar fata na farko da zai jagoranci ƙasar Turai

Kin fidda bayanan ya sa kungiyoyin shigar da karar bukatar tilastawa hukumar ta saki bayanan.

Bayan rashin nasara a babbar kotun tarayya, daya daga kungiyoyin ta daukaka kara, amma nan ma kotun ta ce ba zai yiwu a saki bayanan ba, ba tare da tsari daga majalisar dokoki ba kamar yadda yake a tsarin mulki.

Haka zalika Muryar Amurka ta ruwaito cewa kotun ta ce da karar Majalisa ya dace a shigar don tilasta ta sako tsarin don samun hurumin fidda bayanan.

Mai daukaka karar Chido Onuma ya ki amincewa da hukuncin yana mai alwashin garzayawa kotun koli.

Onuma ya zargi sashen shari’a da kawo tarnaki a samun bayanai daga gwamnati.