News
KATSINA: Ƴan Bindiga Sun Kashe Mutane 4, Sun Sace 45
Jama’ar ƙauyen Maikuma da ke cikin ƙaramar hukumar Dandume ta Jihar Katsina sun wayi gari cikin fargaba bayan wani mummunan hari da wasu ƴan bindiga suka kai a daren Lahadi, wanda ya yi sanadiyyar mutuwar mutane huɗu tare da sace aƙalla 45 daga cikin mazauna yankin.
Shaidu sun bayyana cewa ƴan bindigar, waɗanda yawansu ya haura 100, sun mamaye ƙauyen ne dauke da muggan makamai, suna shiga gidaje daga layi zuwa layi tsawon awanni kafin su tsere da waɗanda suka sace zuwa dajin da ke kusa da yankin.
Duk da hanzarin jami’an tsaro, rahotanni sun nuna cewa ba su iya cimma nasarar kamo ƴan bindigar ba, yayin da suka fice daga yankin bayan kammala aika-aikarsu. Shugaban ƙaramar hukumar Dandume, Basiru Musa, ya tabbatar da faruwar harin, tare da bayyana damuwarsa kan yawaitar ire-iren waɗannan hare-hare da ke barazana ga rayuwar al’umma.
Saudiyya Ta Karyata Sanya Takunkumin Biza Ga Najeriya Da Wasu Ƙasashe 13
Musa ya yi kira ga hukumomi da su ɗauki tsauraran matakan tsaro domin kare rayuka da dukiyoyin jama’a. Sai dai zuwa yanzu hukumomin tsaro na Jihar Katsina ba su fitar da wata sanarwa ba kan lamarin, lamarin da ke ƙara jefa al’umma cikin damuwa da rashin tabbas.
An Rufe Rassan Bankuna 476 Sakamakon Tabarbarewar Tattalin Arziki — Rahoto
Ta’adda Sun Bude Wuta Kan Fasinjoji A Cikin Wata Motar Haya A Jos
Matatar Dangote Za Ta Buɗe Sayar Da Hannayen-Jari Na Naira Tiriliyan 2.15
Jirgin shahararren mawaki Ya Kauce Hanya, Ya Kama da Wuta A Brazil
Farashin kayan Miya Ya Karye Da Kaso 60 Cikin 100 A Kano
Jam’iyyar Labour Party Ta Yi Alkawarin Kafa Hukumar Kula Da Hayar Gidaje A Kano
NUJ Kano Ta Yi Allah-wadai Da Harin Da Aka Kai Wa ’Yan Jarida
Jami’an Ƴansanda Sun Cafke Mai Safarar Makamai, Sun Kwato Harsasai 637 A Kaduna
Samar Da Zaman Lafiya, Ayyukan Ci Gaba Sun Isa Shugaba Tinubu Ya Samu Wa’adi Na Biyu — Kwankwaso
