Shugaba Buhari ya gana da sarki Charles III na Birtaniya

DAGA KABIRU BASIRU FULATAN

Shugaban Najeriya Muhammadu Buhari ya gana da sarkin Ingila Charles na uku a fadar Buckingham da ke birnin London.

Wannan ce ganawa ta farko tsakanin shugaba Buhari da basaraken tun bayan hawan sa kan karagar mulki.

Ranar Alhamis Za A Yi Zaben Kananan Hukumomi A Neja

Bayanai na cewa ganawar ta bai wa shugaban na Najeriya damar taya sarkin murnar hawa mulki.

Mai taimaka wa shugaban Najeriya kan sada zumunta a shafukan intanet Bashir Ahmad ya wallafa hotunan ganawar a shafinsa na tuwita, sai dai babu ƙarin bayani kan tattaunawar da ta wakana tsakanin shugabannin biyu.