News
Wasu ‘yan bindiga sun kone kotu a Imo
Wasu ‘yan bindiga sun kone Babbar Kotun Oguta da ke Karamar Hukumar Oguta a Jihar Imo.
Harin wanda ya faru a daren ranar Lahadi, na zuwa ne kasa da mako guda bayan da wasu ’yan bindiga suka kashe alkalin wata kotun majistare a jihar yayin da ake tsaka da zaman sauraron wata shari’a.
Aminiya ta gano cewar ‘yan bindigar sun mamaye harabar kotun da misalin karfe 11:30 na dare, inda suka yi wa ginin kotun ruwan harsashi.
Babbar kotun dai tana cikin harabar hedikwatar Karamar Hukumar da suka kai harin.
Wakilinmu ya samu labarin cewa, ofishin rajistara, ofishin daukar bayanan kara, dakin ajiye bayanai, ofishin alkalan babbar kotun da ofishin ma’aikatan kotun duk sun kone kurmus.
Shugaban Karamar Hukumar Oguta, Ofili Ijioma, wanda ya tabbatar wa manema labarai faruwar lamarin, ya ce an kai rahoton kone-konen ga jami’an tsaro.
Ya ce an fara bincike mai zurfi domin bankado wadanda ke da hannu a lamarin.
Kakakin rundunar ‘yan sandan jihar, ASP Henry Okoye, ya ce har yanzu bai samu cikakken bayani kan faruwar lamarin ba.
NSCDC Ta Gano Jami’ar Bogi Da Ke Karɓar Har Naira Miliyan 1.5 A Legas
CBN: Umarnin Akanta Janar Ya Sa Muka Buɗe Wa PFIPC Asusu
DSS Za Ta Ɗaukaka Ƙara Kan Hukuncin Ɗaurin Rai Da Rai Da Aka Yanke Wa Shugabannin Ansaru
Likitan El-Rufai Ya Shiga Matsala Kan Zargin Bayar Da Rahoton Jinya Na Bogi
Hatsarin Mota Ya Yi Sanadiyyar Mutuwar Mutane Biyu A Kan Babur
JAMB Ta Soke Karatun Digirin Hadin Gwiwa Da Kwalejojin Ilimi A Najeriya
Majalisar Ɗinkin Duniya ta musanta zargin yiwa Kiristoci kisan ƙare dangi a Najeriya
Hukumar Kula Da Harkokin Shari’a Ta Tilasta Wa Alƙali Ritaya Kan Zargin Karɓar Cin Hancin Naira 250,000 A Kano
Rashin Halartar Kotu Ya Jawo Tsare Sowore A Gidan Gyaran Hali
