News
Kano Da Sauran Jihohi Za Su Fuskanci Mamakon Ruwa Na Tsawon Kwana Uku – NIMET
Hukumar kula da yanayi ta ƙasa, NIMET, ta yi hasashen cewa za a iya samun mamakon ruwan sama mai haɗe da tsawa da iska a wasu jihohin ƙasar nan, ciki har da Kano, daga ranar Lahadi zuwa Talata, 11 ga Yuni, 2025.
Sanarwar da hukumar ta fitar ta bayyana cewa ana sa ran wannan ruwan zai fara ne da gajimare a yawancin yankuna, kafin daga bisani a samu sauyin yanayi zuwa ruwan sama mai ƙarfi.
Jihohin da za su fi fuskantar wannan ruwan sun haɗa da Kano, Katsina, Taraba, Adamawa, Zamfara, Kaduna, Jigawa, Borno, Gombe da Bauchi.
Sauran su ne Abuja, Neja, Nasarawa, Kwara, Kogi, Benue da Plateau.
NIMET ta shawarci al’umma su share magudanan ruwa domin kaucewa ambaliya, musamman a yankunan da ruwa ke taruwa cikin sauƙi.
Haka kuma, hukumar ta ja hankalin manoma da masu ababen hawa da su lura da yanayi, su kuma bi hanyoyin kariya domin kaucewa haɗurran da sauyin yanayi zai iya haifarwa.
Bauchi: Dakarun Soji Sun Kai Samame Maboyar ‘Yan Bindiga, Sun Ceto Mata 6 Da Yara 13
NDLEA Ta Kama Ma’aurata Bisa Zargin Safarar Wiwi
Wata Likita Ta Riga Mu Gidan Gaskiya Bayan Ta Haifi Ƴan-Uku
KANO: Jami’an Ƴansanda Sun Cafke Matasa Biyu Bisa Zargin Damfarar Sama Da Mutum 500 Da Sunan Aljannu
Wata Tankar Gas Ta Murƙushe Adaidaita Sahu
Muhimmancin sada zumunci – Malam Jafar
“Azumin Sitta Shawwal: Fa’idodi, Sharudda, Da Muhimmancinsa A Musulunci”
Gwamnatin Kano Ta Sanar Da Ranakun Komawa Makaranta
JIGAWA: Uba Ya Fasa Aurar Da ‘Yarsa Ga Wani Saurayi Saboda Goyon Bayan Tinubu
