Kotu Ta Yanke Wa Tsohon Shugaban Koriya Ta Kudu Hukuncin Daurin Shekaru 30

Wata kotu a Koriya ta Kudu ta yanke wa tsohon shugaban ƙasar, Yoon Suk Yeol, hukuncin daurin shekaru 30 a gidan yari bayan samunsa da laifin shirya tura jirage marasa matuƙa zuwa Koriya ta Arewa domin haddasa rikicin da zai ba shi damar aiwatar da manufofin siyasa.

Alƙalan kotun sun bayyana cewa Yoon ya amince da tura jiragen marasa matuƙan ne a shekarar 2024 domin tunzura North Korea ta ɗauki matakin soji kan South Korea. A cewar kotun, manufar hakan ita ce ƙara taɓarɓarewar dangantaka tsakanin ƙasashen biyu da kuma haifar da tashin hankali a cikin gida.

DSS Ta Cafke Matashi Da Ke Safarar Bindigogin AK-47 Da Bom-Bom Na RPG A Kano

Kotun ta ƙara da cewa tsohon shugaban ya yi ƙoƙarin amfani da yanayin rikicin wajen tabbatar da ayyana dokar soja, matakin da ya jawo ce-ce-ku-ce a lokacin mulkinsa.

Sai dai Yoon ya musanta zarge-zargen da ake masa, yana mai cewa matakan da ya ɗauka sun kasance ne domin kare tsaron ƙasarsa. Haka kuma, lauyoyinsa sun ce tura jiragen marasa matuƙan martani ne ga abin da suka kira tsokana daga Koriya ta Arewa, bayan da ta aika balan-balan ɗauke da tarkace zuwa yankin Koriya ta Kudu.

Hukuncin da kotun ta yanke na daga cikin manyan shari’o’in siyasa da suka girgiza Koriya ta Kudu a ‘yan shekarun nan, tare da jawo muhawara kan yadda shugabanni ke amfani da ikon gwamnati a lokutan rikici.

DW