Mutane 8 ne suka mutu, 15 suka jikkata a hatsarin motan Jigawa

DAGA KABIRU BASIRU FULATAN.

Mutane 8 ne aka ruwaito sun mutu yayin da wasu 15 suka samu munanan raunuka a wani hatsarin mota da ya afku akan hanyar Malam Madori zuwa Birniwa a jihar Jigawa.

Hatsarin wanda ya afku a daren Lahadi, ya hada da motocin a uku, Golf 3, J5, da Hilux (Akori-kura) dauke da fasinjoji daga Kasuwar Jaji-Maji a jihar Yobe, kamar yadda wani ganau ya shaidawa jaridar  DAILY POST.

Matar Da Mijinta Ya Yi Kokarin Zubar Mata Da Ciki Ta Haifi ’Yan 4 a jahar Oyo

Ya yi ikirarin cewa hatsarin ya yi sanadiyyar mutuwar mutane y sakamakon wuce gona da iri  da motscin sukayi

Shugaban kungiyar masu motocin haya ta kasa NARTO a karamar hukumar Birniwa Alhaji Baba ya tabbatar wa da manema labari  afkuwar lamarin.

Ya kuma bayyana cewa an kai wadanda suka mutu da wadanda suka jikkata zuwa babban asibitin Birniwa.

A cewarsa, mutane 15 ne suka jikkata kuma a halin yanzu suna samun kulawar likitoci, yayin da aka tabbatar da mutuwar fasinjoji shida.

Shugaban karamar hukumar Birniwa Umar Baffa na daga cikin wadanda suka halarci sallar jana’izar marigayin a makabartar kauyen Makari da ke unguwar Fagi a karamar hukumar Birniwa.