Kungiyar SERAP Ta Kai Karar Majalisar Dokoki Ta Kasa Saboda Siyawa Kowane Dan Majalisar Motar Milyan 130

DAGA KABIRU BASIRU FULATAN 

Kungiyar nan mai rajin kare hakkin dan adam da kuma tabbatar da adalci a hukumomi da Ma’aikatun gwamnatin tarayya, SERAP ta kai karar majalisar dokoki kasa gaban kotu, saboda shirinta na raba sabbin motoci kirar Prado SUV ta naira milyan 130 ga kowanne dan majalisar dokokin tarayya tare da jagororin majalisar.

A wata sanarwa da kungiyar ta fitar a daren jiya, ta shigar da karar batare da bata wani lokaci ba, domin ganin kotun ta hana raba motocin alfarmar ga ‘yan majalisar dokokin tarayya, wanda jimillar kudinsu zai kama naira milyan dubu 40.

Cire Tallafin Man Fetur Yana Barazana Ga Rayuwar Manoman Rani

Kungiyar ta SERAP ta shigar da karar ne bayan da ‘yan majalisar dokokin suka matsa lamba kan cewar dole ne sai an saya masu motocin, duk kuwa da shan sukar da suke fuskanta daga yan Najeriya.

Sai dai a lokacin da yake kare batun raba sabbin motocin ga ‘yan majalisar, Kakakin majalisar wakilai, Rotimi Akin, Y ace al’adar zauren majalisar ce sayan motoci tare da raba su ga ‘yan majalisar domin gudanar da aikin majalisa.

A Wani labarin kuma Cire Tallafin Man Fetur Yana Barazana Ga Rayuwar Manoman Rani

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.