Farashin Buhun Gawayi Ya Yi Tashin Gwauron Zabi A Kano

DAGA NUSAIBA ABDULLAHI TUKUNTAWA 

Mazauna Birnin Kano sun koka kan yadda sukace farashin gawayi ya yi tashin gwauron zabo a wannan lokacin.

A halin yanzu farashin dauri daya na gawayi ya tashi zuwa N200, daga N100 da ake sayar da shi a makonnin baya.

• Kungiyar SERAP Ta Bukaci Shugaba Tinubu Ya Binciki Bashin Dala Biliyan 1.5 Da Jihohi 36 Suka Karbo

• Dan Mu Ba Tela Bane Hasali Ma Bai Taba Hawa Keken Dinki Ba —Iyalan Matashin Da DSS Ta Kama

Buhun gawayin kuma ya tashi daga N4500 ya koma Naira 6300 a sarin kowanne buhun guda saboda yawan amfani da shi

INDA RANKA ta ruwaito cewa an samu karuwar yadda mutane ke yin tururuwar amfani da gawayi a wurare daban-daban sakamakon tsadar farashin gas.

Wani mai sayar gawayi a unguwar Tudun Yola dake Kano, Malam Sani Umar ya ce daman in dai lokacin damuna ya zo ana samun tashin farashin gawayi.

Yace duk a irin wannan lokacin na ruwan sama ana samun karin farashi saboda Karancin shigo dashi daga cikin daji

Malam Umar Mai gawayi ya Kara alakanta tashin gawayin da  zanga-zangar tsadar rayuwa da yan Najeriya suka gudanar inda aka samu kirin Naira 800 a duk buhu.

Haka zalika ya kara da cewa yanzu kasuwar tasu taja baya inda ya ce ada kusan kowanne gidan da suke siyan gawayi suna girki sau uku ko hudu a kowacce rana Amma yanzu baifi ayi sau Biyu ba