Kotu ta soke cancantar shiga dan takarar jam’iyyar APC

DAGA YASIR SANI ABDULLAHI 

Babbar Kotun Tarayya dake zamanta a Abuja, ta soke cancantar shiga takara ta ɗan takarar jam’iyyar APC, Cif Timipre Sylva,  zaɓen gwamnan jihar Bayelsa mai zuwa.

A ranar Litinin kotun a ƙarƙashin jagorancin Mai Shari’a Donatus Okorowo, ta yanke wannan hukuncin.

Eden Hazard Ya Yi Ritaya Daga Kwallon Kafa

Ya zuwa ranar 11 ga watan Nuwamban 2023 ne ake sa ran gudanar da zaɓen gwamna a jihar ta Bayelsa.

Alƙalin ya ce tun da an taɓa rantsar da Sylva sau biyu a matsayin gwamnan jihar kuma ya yi mulki na tsawon shekara biyar, sake shiga takarar gwamna a jihar hakan ya saɓa wa Kundin Tsarin Mulki na 1999 wanda aka yi wa kwaskwarima.

Ya ƙara da cewa, Sylva bai cancanci tsayawa takara ba a zaɓe mai zuwa a jihar, idan kuwa ya shiga ya kuma ci zaɓe hakan na nufin zai shafe sama da shekara 8 a ofis a matsayin gwamnan jihar wanda hakan kuwa ya saɓa wa doka.

Okorowo ya ci gaba da cewa, doka ta haramta zaɓen wani a matsayin gwamna sama da sau biyu, kuma duka jam’iyyun da shari’ar ta shafa sun yarda cewa sau biyu ana zaɓen Sylva a matsayin gwamnan jihar.

Ya ce muddin aka ƙyale Sylva ya tsaya takara a zaɓe mai zuwa, hakan na nufin mutum na iya shiga takara na duk adadin da ya ga dama ke nan.

Wani labarin kuma Eden Hazard Ya Yi Ritaya Daga Kwallon Kafa

Gwamnatin tarayya ta ce yanzu haka shirye-shirye sunyi nisa domin sauya akalar motoci har milyan 10 masu amfani da man fetir zuwa amfani da Gas nan da watanni 36 masu zuwa.

Karaminin ministan Mai, Ekperikpe Ekpo ne ya baiyana haka a yayin baje kolin mai da iskar gas na shekarar bana wanda ake gudanarwa a birnin Abu Dhabi na hadaddiyar daular larabawa.

A wata sanarwa da kakakinsa Louis Ibah ya fitar, ya baiyaan cewar a yanzu haka anyi kawance da kanfanoni masu zaman kansu domin kawo kayayyakin da za’a yi amfani dasu wajen sauya akalar motocin nan da watanni 9 masu zuwa.

Ya ce matakin wani yunkuri ne na inganta yin amfani da Gas a tsakanin motocin kasar a maimakon Man fetir da suka dogara dashi.